|
供樓無銀用,相棲風雨中
填詞:浩賢(CASH) 原曲:相思風雨中(張學友、湯寶如)
【男】求婚冇首期,怎表愛義濃?
【女】籌足夠首期,Honey也要供。
【男】三餐冇飽飯,天天都咁鬼窮,
【女】辛辛苦苦偷泣為個Home。
﹡【男】地產巿瘋狂,飇升快過龍。
【女】奶奶送首期,Honey也要供。
【男】供樓冇銀用,
【合】「趙」麵包嘅房奴,為疊物業一世窮。﹡
【男】啊...冇錢畀即斷供!
【女】啊...「聽」相棲風雨中!
【男】無辦法,兩公婆無論激好的信用,
【合】若冇銀,求銀行都冇用。
※【男】男人最憂愁,供樓要捱窮!
【女】還九百幾期,激死我老公!
【男】炒家嘅天堂,
【女】萬二一呎平房,
【合】為疊物業一世窮!※
重唱﹡
【男】啊...政府終於發功!
【女】啊...再炒應該會燶!
【男】劈硬價,上咗車難賣甩手都冇用,
【合】蝕到瘋,求銀行邊有用?
重唱※
【男】寒夜到樓巿飄搖,
【合】「趙」麵包嘅房奴,莫為物業捉~蟲!
|
|