我地農莊 - 開心食粟米

cucumber

開心食粟米
童年時，阿媽經常叫我食粟米。朝早不願返學，她叫我食粟米；考試滿江紅，她又叫我食粟米。自從食了粟米，人就精神多了，因為粟米含有豐富的碳水化合物，可以補充能量，保持血糖平衡。長大後，老婆都娶埋，有日心血來潮問阿媽：「點解當年咁醒，知道粟米好。」怎料她說，當年從來冇叫我食粟米，而是食塞米。



本地有機粟米　易種易收
粟米是全球其中一種主要糧食，只因粗生、易種兼收成穩定。本地亦有出產，八鄉的「我地農莊」莊主黃零，種植粟米多年，深深愛上了它，「粟米好易種，種子掉落地就生，兩個月左右有收成，一年兩次，間中除吓草，冇乜其他特別，落大雨連淋水都慳番，幾好種。」黃零笑說。他的農莊開業十多年，佔地廿五萬平方呎。七、八年前，每逢夏秋都種粟米，收成後作直銷，或送到大埔農墟及荃灣街市街街市販賣，又會跟農友合辦粟米節，呼籲市民助養，順便教育下一代。「一來保障農夫收入；二來助養咗自然會關心啲，助養人放假帶埋細路入嚟，睇吓自己條粟米長到幾大，然後自己割返去，特別開心。」黃零說。
他的粟米，來自台灣農友種苗股份有限公司，品種主要是黃玉米「華珍」及白玉米「雪珍」，體形不及大陸的超甜粟健碩，但勝在清爽甜美，皆因全是有機，沒有基因改造，可以即摘即食。「大農場產量多、怕蟲害，所以用基因改造品種。我哋小農戶，控制得到，可以唔用，基改會擾亂大自然秩序，我唔鍾意。」
黃零在元朗新田長大，家人經營豬場，自小便要幫忙餵豬幹活。www.isletforum.com 長大後，他和許多新界子弟一樣，跑到市區謀生，過着營營役役的白領生涯。十多年前，深感都市壓力大，也希望孩子接觸大自然，於是舉家搬回八鄉。當時用了三萬元買下一間寮屋，租些土地，開始有機耕作，「如今人人講究健康，有機耕作係世界潮流，其實有得做。」黃零說。

有機農夫黃零，放下公事包，走入農田種粟米。

他種粟米，很有策略。同一塊地，分兩次下種，一邊成熟，一邊剛好長出粟米心。然後摘去成熟的，斬走枝幹，掉到未熟那邊，壓抑雜草生長，省去除草工夫。剛長出的粟米心，又可摘去賣，只保留一條，萬千養份集一身，他朝又會長成肥美飽滿的粟米，真箇算到盡。然而，千算萬算，人算始終不如天算，「我連老鼠偷食都計埋，點知會有野豬嚟光顧，平日只會冬天嚟，唔知點解今年夏天都有。本來三千支粟米，俾佢食咗兩千支，搞到我欠人一大筆粟米數。」黃零說。但，天無絕人之路，九月又是收成期，只要天在地在，只要努力奮鬥，希望永遠留存。

我地農莊
元朗錦上路八鄉大窩村元大路（左邊小路入）
9658 1400
https://www.facebook.com/616hk
http://hk.apple.nextmedia.com/re ... t/20150622/53871185