食飽容易恰眼瞓

thermostat

食完容易恰眼瞓　返工避之則吉

香蕉及以蔬菜為主的沙律，食完易恰眼瞓。
   
好多打工仔未返工就想收工，坐落office冇耐做陣嘢已經昏昏欲睡，會唔會同早餐、午餐有關呢？www.isletforum.com 科健籽一於幫你搵出幕後黑手。

沙律
沙律夠健康又清淡，好多OL鍾意當早餐或午餐，但只係來來去去得齋，卡路里太少，能量好快用盡，晏晝三、四點已覺肚空空冇精神。美國北卡羅來納州營養師Elisabetta Politi建議，沙律食物營養要均衡，除了加入非澱粉質蔬菜，例如西蘭花、菇類、羽衣甘藍等，還要加入含蛋白質的肉類例如雞肉，而藜麥及枝豆含碳水化合物，減慢燃燒能量的速度。

香蕉或果仁
香蕉或果仁含有豐富鎂質，有助令肌肉放鬆，夜晚食完好瞓啲，食幾多見效？視乎唔同人的體質及鎂質含量。

乳酪
奶類食品對於年輕人較易消化，但隨着年紀增長，這些食品變得較難消化，搞到你易攰，美國克里夫蘭醫學中心負責人Lyla Blake-Gumbs指出，原來含有乳製品的食物無處不在，例如焦糖味的食物和飲品，日後記住咪食咁多啦。

消夜
臨瞓前食消夜，尤其是食得多酸性食物，包括肉類、蛋類等，影響消化，容易胃酸倒流之餘，當然會影響睡眠質素，第二朝冇精神返工。營養師建議臨瞓前盡量食鹼性較強的食物，例如蔬菜、水果等，包保萬無一失。

資料來源：http://www.oprah.com/