【八仙嶺山火】張潤衡首次親身回應事件始末

thermostat

1996年八仙嶺發生山火導致5死13傷，但死因庭一直未有指出誰人在山上吸煙懷疑因此留下火種釀成火災，山火中重傷、現為香港灼傷互助會副主席張潤衡近日被指為引致山火的元兇。今日下午他接受《蘋果》專訪時表示，這件事一直令他困擾，故今次首次親身回應事件始末，指出發件發生後身邊的同學、朋友甚至家人亦曾懷疑他是山火元兇，但一直獲目擊者李雋文為他解釋。



「呢件事困擾咗我好耐，我食早餐有吸煙係事實，因為果時我哋好年輕，貪玩好奇，果次係我第一、二次接觸香煙。」張潤衡強調，他一直是個怕事的人，故不會在老師於上山近距離監察下吸煙：「我係一個比較怕事嘅人，中學未畀人記過一次缺點，所以唔敢喺老師面前做過一次錯事。」

他憶述事發後在重傷在醫院治療，而八仙嶺山火的死因調查報告指他當日上午曾經吸煙，更被爸爸掌摑：「當時爸爸打我一巴，點解要咁做，好驚質疑係咪我，但李雋文都幫我解釋咗。」他指出其後不少朋友及同學都向他查問是否當日在山上扔下煙蒂的「元兇」，但李雋文一直以目擊者身份為他開脫，亦獲得朋友及校長相信。www.isletforum.com

山火發生後他一直傷重在醫院留醫：「死無對證嘅事，無任何人同我落口供，我連有死因聆訊庭都唔知」直至近日事件發酵，他認為可借這個機會解釋清楚。他希望外界不要再討論事件，因為他相信其他山火倖存者已不想再提起這件事，希望能告一段落：「如果呢件事你依然唔相信就予頭指向我啦，但唔好再Bold（發大）返呢宗山火嚟講。」

http://hk.apple.nextmedia.com/realtime/news/20150703/53928465

thermostat

火海重生的小伙子
   
一個煙頭，改變了他的人生。八仙嶺大火，導致5名師生死亡，13名學生嚴重燒傷，張潤衡是其中之一。大火奪去容貌及指頭，卻磨練出鋼鐵般的意志，有勇氣以十匹馬力，追回失去了的人生。19年後的今天，衡仔正攻讀博士學位，找到深愛的太太，已為人父。人生走了一圈，決意重返病人組織，「係時候到我幫輕吓阿媽。」他說。成立心理支援小組，助同受火難的人走出陰霾，這是煉獄重生的故事，也是回饋的溫情故事。

「嗰時喺威爾斯留醫，互助會都係因為大火而成立，連埋家屬，十幾個成員，過咗咁多年，只剩我同衡仔仍然喺嗰會度。」張媽媽說。今年的周年大會，首度由醫院活動室，移師酒店宴會廳，媳婦Rainbow抱着兩歲孫兒到來支持，就連衡仔的契爺高永文也來了。「媽媽係嗰會嘅財政大臣，不過就成日點我呢個副主席做嘢」。伴着媽媽接受訪問的衡仔，扮了個鬼臉。

灼傷互助會，是醫管局轄下的病人組織，「燒傷嘅康復過程特別漫長，以前好多人幫過我哋，到有能力，好想幫番其他人」。大火後辭職全力照顧兒子，回想當年的火劫，張媽媽仍百般滋味，「嗰時喺公司開緊會，一收到電話，成個人慌晒」。學校大旅行，燒傷的大部份是年輕學生，時年12歲的衡仔，六成皮膚被燒傷，一對手被燒至變形，只剩兩個指頭，聽力視力受損。www.isletforum.com

「佢係最遲醒番嗰個，好擔心燒到嗰腦，影響智力，點諗到佢可以入大學，仲結婚生仔？」她說。專程到來打氣的高永文，見證契仔神奇康復：「見到佢做埋老竇，真係好安慰。」經歷百次手術，盡全力突破身體限制，但也從未掩飾身體的限制，燒剩兩隻手指，換片餵奶無能為力，正修讀生命與價值教育博士課程的衡仔，就肩負起管教責任，分工合作，三口之家，一樣圓滿。

「好多人話張潤衡你好叻，康復得好好，我話我做到，其他人都一定做到」。經歷過失去，衡仔說讓他學懂珍惜現在擁有的一切，畢竟得來不易，「嗰仔叫恩博，希望佢成為博學嘅人，更重要係長大後懂得感恩」。煉獄重生，昔日的衡仔早長大成人，面上的傷痕猶在，但心內的傷口，卻已痊癒。至少，不着痕迹。

http://hk.apple.nextmedia.com/news/art/20150704/19208437

thermostat

判決書指無人目擊誰人扔煙蒂 裁定死於意外

1996年八仙嶺發生山火倖存者、香港灼傷互助會副主席張潤衡因到台灣探望八仙樂園粉塵爆的傷者被指「做騷」，網上一度盛傳當年八仙嶺火災是他當年在山上扔下煙蒂所致。《蘋果》翻查當年有關死因庭的報導及判決書，發現當年確有學生在起火點附近的的小平原吸煙，但無目擊者能說出吸煙學生中誰人生火或拋棄未弄熄的煙蒂，判決書亦沒有提到網民所指，因為要保護未成年者而隱藏肇禍者的身份，死因庭最後指山火屬人為，5名死者均死於意外。

對於網上被聲稱是同學的網民指控，張表示與當年同學多年沒有聯絡，又承認當年不成熟，和朋友關係處理得差，「我唔知道大家係咪真係因為咁既原因而咁樣去講，如果有同學形容我當時點樣點火，我只可以重新講多次，其實當喺八仙嶺行到小平原嘅時候呢，我已經好快速同李雋文行咗上去，咁甚至乎離起火嘅地點一段好遠嘅距離好耐，亦不存在我同邊個邊個同學。」

和張是中二同學的Keller指，網民聲稱Matt Mak是張的同學，但他並不認識，對方表示曾與張打波，但張根本不喜歡打波，絕少落場。Matt Mak在回覆《蘋果》查詢時突然「龜縮」，指自己並非事發當日目擊證人，只在目擊事發經過的同學的facebook看到當中情節。他強調自己不是指控張潤衡當年吸煙，「我只係問佢知唔知邊位食煙」。

此外，八仙樂園塵爆中港人傷者周穎珊的家屬表示，網上指控張潤衡未得家屬同意到台灣探訪為不實，又發現有提出相關指控的fb戶口為虛構。

http://hk.apple.nextmedia.com/realtime/news/20150703/53929211


判決書指至少有4名學生吸煙，但無人目擊誰人於山上吸煙。