陳細潔與紅酒

cucumber

陳細潔花逾千萬買紅酒：好過買鑽石

鯊魚女陳細潔（Abbie）是紅酒癡，社交圈無人不知，其家中小酒庫更珍藏了逾三千多支上乘紅酒，十大名酒當然少不了，而價值十多萬的世界酒王Romanee-Conti，更是陳細潔的得意收藏。
雖然買紅酒花費逾千萬，但Abbie覺得是物有所值，揚言買酒好過買鑽石：「我覺得好值得，因為我鍾意，所以物有所值，好過拎錢買鑽石，紅酒都好有升值潛力，不過我唔係為咗炒。」她更不諱言擇偶最基本條件，是伴侶一定要識飲酒：「呢個係最基本，曾經有個男友，佢樣樣條件都好好，但就一滴酒都唔飲，起初都OK，但後來有時去一間有情調嘅餐廳，得我一個人飲紅酒，佢堅持唔飲，覺得好冇癮，同埋唔尊重我，最後唔睬佢。」
Abbie家中的酒庫，過千支紅酒全都有秩序地根據出產地、年份排得密密麻麻，每說起一支紅酒，她都小心翼翼地拿出來。談到最貴收藏，她拿起來自法國著名產酒區Bourgogne出產的1988年Romanee-Conti，並說：「呢支係世界酒王，飲一支少一支，我都唔捨得飲，價值十幾萬。佢嘅細佬（年份較淺）都係靚酒，呢個酒莊出嘅酒都好搶手，佢用最靚嘅葡萄釀製，每年一出就畀人搶購一空，好難買到。」

法國另一個著名釀酒區波爾多（Bordeaux）的紅酒，亦是Abbie最愛的收藏地區之一，她拿着波爾多的酒王－1983年Petrvs說：「呢度出產嘅酒一定好，飲就算唔同年份嘅酒都好靚。」Abbie又強調，從來不覺得貴酒一定好飲：「飲紅酒係好個人口味，唔係最貴嘅酒就最好飲，我嘅最愛係1983年嘅Lafleur，萬幾蚊一支，我依家都係得番七、八支，佢嘅酒味好似花香，任何女性飲咗都會愛上，但佢嘅產量好少，巿面上好難買到。」
而巿面上最為人熟悉的1982年Lafite，Abbie則認為不值這個價：「Lafite根本就畀中國人炒起咗，82年嘅成四、五萬一支，但我覺得over price，如果萬幾蚊就差唔多，雖然好多人鍾意，但唔係我最愛嘅口味。Mouton係依家另一隻被炒嘅紅酒，成萬幾蚊一支，因貪佢個名『武當』容易叫。」www.isletforum.com
一支靚年份、靚出產地紅酒，亦要好好保存才有收藏價值，除了藏酒溫度最好是17-19度外，經歷的地方亦愈少愈好，Abbie說：「紅酒特別係老酒其實最怕Travel，超過十多年嘅酒更要對佢溫柔啲，唔好郁動佢，所以好多時拍賣嘅紅酒，都會有證書講明支酒經過同到過邊度，愈少郁動愈有價值。所以就算去餐廳開支靚酒，最少要提前一個星期送去餐廳，等佢穩定啲先開嚟飲。」

Abbie指9歲時因爹哋一句話「女仔要試飲少少酒，唔會咁易畀人呃」而初嘗紅酒滋味，後來有一位男友帶她到高級餐廳品嘗了一支靚紅酒，她才真正了解紅酒的魅力，繼而開始看書及鑽研紅酒，並認識了一班「同道中人」：「因為對紅酒嘅興趣及熱愛，好幸運被波爾多同勃艮第邀請入會做會員，以前係酒莊老闆先有資格做會員，我被認可對人生好大改變。以前好怕同陌生人social，但依家每個月都會同啲愛好者一齊品酒，講起紅酒，大家都好多話題，當中有不少男性朋友，但大家冇界限，冇追求嘅思想，反而係變咗無所不談嘅朋友。」


陳細潔深愛紅酒，連擇偶條件，都要對方識飲酒先得。


呢支係陳細潔嘅得意收藏，價值十多萬的世界酒王Romanee-Conti。


除咗對紅酒有要求，佢對紅酒杯都好有要求，認為唔同嘅酒，要用唔同嘅杯，先至品嘗到最好嘅質素。

陳細潔的酒庫，收藏了過千支紅酒，而她花在紅酒方面的金錢，更高達逾千萬。


呢支咁大嘅紅酒，係陳細潔拍賣所得嘅心頭好。


曾經因為有個男友因為點都唔肯飲酒，搞到陳細潔到最後唔睬佢。


陳細潔身為紅酒癡，自然集齊十大名酒（圖）啦。


而呢支就係陳細潔最愛嘅1983年嘅Lafleur，價值萬幾蚊一支。


呢三個，就係陳細潔所擁有嘅紅酒及香檳榮譽勳章。

http://hk.on.cc/hk/bkn/cnt/enter ... 0630_00862_001.html