新東亞理髮店

cucumber

上海理髮店 剃鬚三部曲
「剃鬚，兩個字，一塗一刮，錯嘅刮損囉，青靚白淨嗰個先啱晒，係咪咁話？」要剃得靚，需手勢、工具兩者兼備。但是，現在都甚麼時代了？剃鬚有電動鬚刨、G字頭的更換式剃刀、新派高貴英式barber shop，人們還會到傳統上海理髮店剃鬚？由鼎盛變成夕陽的上海理髮店，結業的結業，退休的退休，買少見少。1962年入行的新東亞理髮店老闆梁成，自詡一般髮廊無法媲美其技藝，「我個年代的上海師傅家下都八十幾歲，手都震埋，點揸刀。我幫人剃鬚夠手定、45度角輕輕剃，最乾淨。」當年的新今天的舊，每個時代都有它姿整的執着。

六十、七十年代是各式上海理髮店的天下，不論你姿整與否，定都曾經光顧，剪髮、剃鬚、修甲、擦鞋一站式為客人辦妥，直至九十年代新潮的沙龍髮型屋興起時，這類理髮店便漸走下坡，開業近半世紀的上海捷美理髮店、上海新文華理髮店、新青年理髮店都結業了，較知名的只剩下上海國賓理髮公司（客人如劉鑾雄）、香港文華東方酒店的文華理髮店等。現在還會光顧的客人多是五十多歲以上的男士，喜歡其洗剪吹加剃鬚一條龍服務。www.isletforum.com

入行52年的新東亞理髮店老闆兼師傅梁成，在舊址結業後再開店，為的不僅是餬口，還有那份情誼。「客人八、九十歲都有，揸住枴杖上嚟，大部份都識了幾十年，都成為朋友了。他們住到幾遠都過來幫襯，唔係我都做唔住。」老闆邊為客人剪髮邊道出這行的辛酸，萬多元租，每次理髮收$88，每月要服務百多個客人才能收支平衡。坐在椅上的客人董伯笑笑口回應：「我住馬鞍山都一個月來一次，習慣了。好多屋村街市都有飛髮店，$30至$40就得，但手勢心機都唔得，剪到古靈精怪，佢幫我剃鬚乾淨過自己剃好多，當年個個星期都幫襯。」說到當年，兩人都記憶猶新，單是上海街便有十多間這類理髮店，「入行時（六十年代），邊有師傅捉住你教點剪點剃，咪邊睇邊學。開頭學師時，多少梗有刮損，但不多，當年講實踐，周圍跟師傅學。」梁成點出剃得舒服及乾淨的秘訣：「最緊要是夠手定，45度角輕輕剃便最乾淨，啲交叉鬚就最難搞，所以要細心囉，不是只為賺錢的。」現在梁成不望賺更多錢，只求與老客聯誼。「講乜都假，最緊要精神好，已經算有錢賺，做到做唔到先退。」旨在有限時間內做最開心的事，剃得走鬚根，但肯定剃不走這份情。


上一代人愛念舊，客人多相識了幾十年，放不下的不是刀具，而是積下來的感情。


為客人剃鬚的專用椅子，由舊店舖搬至現址，捨不得丟，至今已有50多年。


1.先用熱毛巾敷面，軟化鬚根，行內稱「焗鬚」。


2.塗上肥皂泡沫，再以剃鬚刷掃上。


3.最後以剃鬚刀剃走鬚根，由唇上開始，到下巴、頸位、面頰兩邊。


新東亞理髮店
旺角上海街358號2樓
資料來源 : 蘋果日報 (01 May 2014)