|
發表於 2015-3-23 22:58:34
|
顯示全部樓層
近日網上流傳一偏方,其中主要材料係彭魚鰓,話可治癒肺癌。不少媽咪亦在《親子王國》討論分享彭魚鰓有極佳食療功效,係真唔係?問問中醫師至得。
註冊中醫高醫師話,彭魚即係魔鬼魚,主要喺印度洋、巴西、日本一帶海域出沒。《中藥大字典》無註明彭魚鰓的藥效,但《中國藥用動物志》就針對魚鰓,指有清熱解毒、透疹之功能,主治小兒麻疹、瘡癤。
有效治水痘暗瘡
同樣,彭魚鰓不寒不燥,有清熱、解毒、透疹、散結等功能。人人能吃,更有效治療小朋友出麻疹、水痘。高醫師:「尤其小朋友,出水痘後期,表面好多無晒水痘,但有餘毒會喺內臟和喉嚨間發出來,長出水痘,呢個時候食彭魚鰓鹹瘦肉粥,能有效根治。」
亦有老一輩女士說,年輕時生暗瘡,食咗彭魚鰓,能根治問題。高醫師說:「彭魚鰓醫暗瘡一定得,因有解毒作用,但都要睇錢,起碼要食兩、三次彭魚鰓才見效。以前彭魚鰓平就話,現在1両都要$100,每次最少食半両,是否化算見仁見智。醫暗瘡仲有很多平的方法,好似食金銀花就平好多。」
至於彭魚鰓醫肺癌,高醫師話:「長期食可能有效。但唔排除有少少心理因素,好似有人證實患肺癌,醫生話佢只得1年命,佢於是花盡家財到處旅行,結果回來證實沒事。這是真人真事,在大陸中醫文獻有記載,咁你話佢乜原因病會好?很難說了!」
有註冊中醫師強調,彭魚鰓乾非藥材,只算是保健食品。彭魚鰓乾分為大、中、小。大size現時很難買到,主因是全球魔鬼魚數量激減,環保人士提倡保育。至於中size的,要$100一両。彭魚鰓乾不用先浸,洗淨便可使用。
十二年歷史、防癌湯水:
彭魚鰓1両(可分兩次煲)、新鮮土茯苓12両、瘦肉4両、蜜棗4粒、老黃瓜(連皮連核煲)12両。
做法:16碗水最少煲3小時。當平日湯水飲,有病則天天飲。
醫師推介兩款食法
彭魚鰓鹹瘦肉粥(6碗分量)
材料: 彭魚鰓乾半両、瘦肉約$10、米和水適量。
做法: 瘦肉先醃鹹。彭魚鰓乾和米洗淨。所有材料放煲內煮成粥即可。
效用: 治療小朋友水痘餘毒。
彭魚鰓雲芝湯(3碗分量)
材料: 彭魚鰓乾半両、雲芝3片、瘦肉約$10、淮山適量、無花果、蜜棗各2粒。
做法: 彭魚鰓乾和雲芝洗淨。淮山浸水氽水。所有材料放煲內,加6碗水,大火煲10分鐘,轉細火煲2.5小時。
資料來源:http://suddenplus.nextmedia.com/home-life/health/art/15110
|
|