請選擇 進入手機版 | 繼續訪問電腦版
 找回密碼
 立即註冊
查看: 1344|回復: 0

揀倉揀酒窖

[複製鏈接]

1萬

主題

2萬

帖子

7萬

積分

論壇元老

Rank: 8Rank: 8

積分
75245
發表於 2014-8-11 12:38:35 | 顯示全部樓層 |閱讀模式
本帖最後由 thermostat 於 2014-8-11 12:40 編輯

租酒倉 有後備電 穩陣!                                       
香港有好多有質素嘅酒窖,有啲仲24小時營業,有埋好有情調嘅品酒區俾你慢慢嘆,今日就為大家一一介紹,無謂以身試法吖!

鳴謝: Hong Kong Wine School(23113101)


保護全面   木香四溢 保酒原味                                                                                                                                       
位於葵涌的 Victoria Wine Cellar,是紅酒愛好者 Wilson Wong斥資千萬所建:「在保安上,須經指紋辨識及拍卡才能進倉,全層皆倉亦免了閒雜人等!」唔講唔知,全層式設計,更能防止隔籬廠房人搬運貨物,震親你心愛的紅酒:「在防震方面,造倉時更用上八吋防震牆壁,亦有隔溫之效。」
倉門及倉內,全用堅葡萄牙松木,並經過炭化加工,以零化學物釋放為大前提,以防酒質變味:「我哋嘅燈光亦盡量調暗,可保障靚酒唔會曬親!」倉內有恆溫恆濕系統,但停電又點?「我哋有後備電,而且隔溫做得好;試過測試,就算停電五日,氣溫都只微升1℃。」品酒區燈光昏黃,充滿維多利亞風味!仲有埋自助廚房,三五知己相聚、想翻叮吓芝士 麪包食都仲得:「我哋希望保安做得更好,所以開放只限辦公時間,但客人有需要都可以預約。」                                    


10.jpg 12.jpg
品酒區欄杆特闊,方便站着傾談時,放酒杯。
倉內已有酒架,圓拱形倉頂更有瀉水功能,防埋水災!

Victoria Wine Cellar(24289168)                                                                                                                                       
收費:        
酒櫃(約450支) $1,800/月
17ft(約800支) $3,300/月
34ft(約1,500支) $4,300/月
90ft(約4,500支) $7,500-$8,500/月
地址:葵涌葵昌路40-52號葵昌中心2樓全層



******************************************************************************

住家 Feel
人面辨識 24小時品酒
                                                                                                                                       
儲存酒嘅最佳溫度係13-15℃,有品酒愛好者試過在家中整酒窖,以為有冷氣、有放濕機就無問題,結果漏咗隔溫呢一步,出出入入時牆身出晒倒汗水,衰晒!美酒窖董事總經理 Hubert Li:「將常飲的百幾支放喺屋企電子酒櫃,其他寶貝就應放入倉內;我哋嘅倉可謂四面恆溫,停電的話也只升2℃,地面、牆壁用咗80mm高密度聚氨酯隔熱材料,個倉門根本就係巨型電櫃門,我哋連個天花都隔埋溫!」
想要私人空間呢度都俾到你,每個倉都獨立如一間房,門口是通花設計,美酒窖屬24小時營業,並用上京奧 VIP房的保安系統──知能卡及容貌辨識系統:「如果個客仲擔心,我哋都可代辦保險,及獨立加裝指紋辨識,咁樣就算被劫,個客都有得賠!」                                    

02.jpg 01.jpg
除了儲存,亦有售不同類型大小的酒。
品酒區玩客、飯廳分隔設計,好 Warm!

00.jpg
照明燈設定在15分鐘後關掉,以防曬親啲酒。

美酒窖(28701800)                                                                                                                                       
收費:        
42ft(約1,000支) $2,880/月
50ft(約1,100支) $3,280/月
地址:香港黃竹坑道52號合隆工業大廈5-7樓                                    


*************************************************************************

最平!
平民倉 一樣 Hi-tech
                                                                                                                                       
好多人搵 Storefriendly都係擺雜物,但估唔到佢喺荃灣竟有一個合晒規格嘅紅酒倉!用歐製天然加壓碳化保溫層,具備防火阻燃功能,仲有埋動態照明,減少燈光對酒造成溫差;全自動後備電源系統,能於斷電後將室溫維持穩定。開倉價 $1,000有找,同美酒窖一樣,可24小時出入,又有人面辨識保安,同即時轉播倉內動態嘅監察系統,夠全面!不過保險就要自行購買喇!                                    

00.jpg 01.jpg
設人面辨識及即時轉播倉內動態保安。
倉內有天然加壓碳化保溫層,具防火阻燃功能。

02.jpg
品酒室酒桶處處。

Storefriendly紅酒迷你倉(82088778)                                                                                                                                       
收費:        
32ft(約108支) $988/月
96ft(約246支) $1,888/月
192ft(約576支) $2,788/月
地址:荃灣沙嘴道57號荃運工業中心2期3樓 K室                                    

*****************************************************************

最天然!
天然防空洞 玻璃品酒區
                                                                                                                                       
外國酒窖多數都係天然地洞,香港寸金尺土,難得曾生批咗個防空洞,改建做酒窖!但專家指,香港天氣咁熱,就算用防空洞都只係噱頭,所以 Crown Wine Cellars亦裝了最先進嘅電子恒溫系統,將氣溫維持喺13-14℃及濕度65-75%。
呢度行會籍制!入到防空洞裏面一啲霉味都無,仲有淡淡木香,1,000ft嘅洞穴經簡單裝修,一排排高至天花的層架共可放5,000箱酒,無乜私人空間,不過好在有送貨服務,只需加多 $90至 $530,藏酒或取酒就有專人服侍!                                    

00.jpg
倉閘亦是防空洞內的歷史遺物。

01.jpg 02.jpg
酒窖外觀!
屬於酒窖的品酒餐廳,作為簡單的婚禮場地都不錯!

Crown Wine Cellars(25806287)                                                                                                                                       
收費:
金會員入會費 $18,000、 $688/月(儲存48支紅酒)
白金會員入會費 $28,000、 $860/月(儲存60支酒)
地址:壽臣山深水灣徑18號                                    

*********************************************************************

酒癡經驗 傷心 Share!

香港紅酒學校 Course Director阮細文
                                                                                                                                       
揀倉前要問清楚有無後備電源?若果個倉停電你又唔知,發現啲酒壞咗,可能無得追究㗎!                                    

紅酒賣家 Diego Yeung                                                                                                                                       
忌一倉多貯,放食物又放酒,啲酒好易吸到味。工廈酒倉要揀全層式,防止工人搬貨震到啲酒!                                    

IT人馬先生                                                                                                                                       
試過在家自製酒倉,雖有冷氣及放濕機,但無留意廳外溫差問題,出現倒汗水,都係租倉穩陣。                                    

公關主任林先生                                                                                                                                       
試過租酒倉,但發現唔係24小時開放,兼地方偏遠,令飲酒變苦事,因我較喜歡在家即興開酒!                                    

行政秘書 梁小姐                                                                                                                                       
男友送我兩箱酒,去租倉時才發現沒送貨服務;叫車!工人又話要加錢才肯運上倉,好麻煩!


資料來源︰蘋果日報 (06 March2012)

回復

使用道具 舉報

您需要登錄後才可以回帖 登錄 | 立即註冊

本版積分規則

快速回復 返回頂部 返回列表