莎厘娜餐廳（Czarina）

thermostat

結業重開　招呼新知舊雨
「港大飯堂」請食俄菜                                       

有「港大飯堂」稱號嘅莎厘娜餐廳（Czarina）返嚟喇，呢排忙緊裝修，以趕及周六試業。一手創立莎厘娜餐廳嘅王殿華（王叔）連日監工，噚日有好消息公佈，話8月15號正式開張，會搞個開業派對，免費招呼新知舊雨食俄菜，當然唔少得招牌菜羅宋湯啦！



近月來不斷傳出有數十年歷史的食店結業的消息，就連位於半山、一九六四年開業，至今經營了近半世紀的莎厘娜餐廳，也要在今年二月尾結業了。（互聯網）


（互聯網）


莎厘娜餐廳是香港鮮有的正宗俄羅斯餐廳，位於香港大學附近，是港大學生的「校外飯堂」。
莎厘娜開業已逾半世紀，經典食物包括羅宋湯、串燒牛柳及俄國牛柳飯。招牌羅宋湯用上 40 多年的湯頭，再上牛骨、甘筍等新材料熬 10 多小時泡製，分量十足，味道濃郁，酸甜適中，是港大學生最愛。（互聯網）



莎厘娜招牌羅宋湯                                   


經典俄國牛柳絲飯


裝潢變潮　食物水準不變                                                                                                                                       
有成50年歷史嘅莎厘娜餐廳，舊年結業之後，由王叔細仔王宗俠揸fit，殺入西營盤高街重開，改咗個新招牌叫「莎厘娜餐廳1964」。
佢話裝修得七七八八，趕得切本周六試業，已經有客人訂位。主打食品當然有羅宋湯、雜錦冷盤、俄羅斯牛柳飯同串燒牛柳，「因為舖租、人工上漲，加價在所難免，但計劃開幕初期會以優惠價回饋客人」。
王叔話，新舖裝修同以前有啲唔同，阿仔鍾意，裝潢會潮啲，但係食物水準不變，「我哋請番以前餐廳個廚坐鎮，客人可以食得番以前嘅味道」。
王叔仲話，餐廳8月15號正式開業，嗰日上午十一點到下午三點會舉行派對招呼新知舊雨，提供免費小食包括有大家至愛嘅羅宋湯，「我冇特別發信邀請啲熟客，都係口頭講，不過有發信邀請前港大校長徐立之，希望佢到時會嚟。屆時應該會有好多港大師生嚟捧場，生客都無任歡迎」。
有得免費食俄菜梗係好，而最令人懷念嘅，一定係嗰碗濃到化不開嘅俄羅斯湯。

/李八方
資料來源 : 蘋果日報 (07 August 2014)

新店地址
莎厘娜餐廳1964
西營盤高街