洪慶海鮮燒臘飯店 Hung Hing Seafood BBQ Restaurant

thermostat

地下有六枝石柱，露台欄杆有規劃的設計。


洪慶海鮮燒臘飯店座落的建築物是三層高的。在青山道與發祥街交界，是40年代的騎樓式建築。


洪慶海鮮燒臘飯店是24小時營業開放的，早上點心茶市，中午飯市，晚飯小菜。


洪慶海鮮燒臘專賣靚嘢


屋簷比較小，仍然保留舊式窗框。


至2015年，樓宇大約有70多年樓齡。


這條是發祥街。
附近的樓宇都是差不多高度。

洪慶海鮮燒臘飯店是一派老式食肆格局，是懷舊之選。
樓宇已經70多歲了，仍然老而彌堅，值得敬佩。
但說到食品方面，只是不過不失而已。


洪慶海鮮燒臘飯店
長沙灣青山道303號 (近發祥街)
2729 0039
/2013

完全唔掂，前日0400肚餓， 揸車去食， 泊門口，行人路有兩个古惑仔開枱飲啤酒傾嘢。入到去五个的士佬分三檯坐，冷清清。無人開茶，自己開壺壽味攞杯筷。餐具，檯面，地下都比“信兴”干淨因少人。出門口揀點心，睇落各樣都大份量。 於是攞籠蝦餃同排骨。一撩開排骨見係急冻料，無粉漿住，骨多肉小，肉呈粉紅色。一食就瀨嘢，鯹夾騷味。不咸不淡， 唔見有豆豉，再食碟底豆卜，更騷。想嘔。原因係排骨無啤水去雪味， 無調味，豉油，糖，蒜泥，豆豉，豆粉都慳番。再慳埋啤水的水费 ，成本真係低。再食蝦餃， 唔熱，皮不是全澄麵，加咗粉，所以唔煙韌，入靣是鉸肉加塑膠蝦小許，無調味，無加蔥油，只有塑膠蝦的梳打粉味。再出去揀咗盅雞飯。粒北菰已浸到無味。急冻雞同排骨一樣處理，因有雞皮，更騷。飯無味，豉由無調較過，死咸。問門口兩个阿姐拉唔拉腸粉，答話拉。跟住無下文。原來0500正先拉。叫咗碟虾腸，又係塑膠蝦 。腸粉皮糊狀，豉油無調敎过，只是老抽，無熟油。咁慳就唔好造啦。全程無嘢落肚，氣就一肚。話佢好食者，不是寫手就是鱔稿。衰過“信興”。0400要飲茶石硤尾邨平台好过呢間多多声。巴打絲打勿聽人吹。

thermostat

• Hung Hing Seafood BBQ Shop 洪慶海鮮燒臘飯店 @ Cheung Sha Wan 長沙灣
• Hung Hing Seafood BBQ Restaurant 洪慶海鮮燒臘飯店 @ Cheung Sha Wan 長沙灣 ...
  

thermostat

有時，網上食評，真的不可盡信，要睇下d人寫時合唔合情理，如果一味話好味，又無supporting原因，就算係真食評，我都當呢d人唔識食，惟有遲d再睇（如果重記得的話）。
或者，d食評根本係打手寫，可以不理。
重有，睇到好多人寫好間食肆，但d人只係總共寫過一兩個食評，9成9係間店老闆自己或搵人寫，因為只寫完自己間野，就唔會再寫其他食肆。呢d通通都唔會去。

不過，有時都唔太難睇得出d食評係假野。
d人如果同間店3唔識7，但係五個評分全部都滿分（即五分），9成10又係假野。
寫食評同比分都比得聰明d丫，有無甘好味食肆重未揚出黎呀。

其實，我都係欣賞洪慶海鮮個建築物多d，如果唔係有特別原因，都應該唔會再幫襯了。
另外，我估，d點心可能唔係洪慶自己做的，就算係老店，都可以做得好好，好好味，你睇西環叁去壹就知。

• Sam Hui Yat Restaurant 叁去壹點心粉麵飯 1 @ Sai Wan 西環
• Sam Hui Yat Restaurant 叁去壹點心粉麵飯 @ Sai Wan 西環
• Sam Hui Yat Restaurant 叁去壹點心粉麵飯 2 @ Sai Wan 西環
  

衣家有d點心都唔知邊度黎，個樣ok，但無味，或者翻熱時唔夠熱。
好似黃埔 '煌府婚宴'，未食完都要走人。

• 煌府酒家(黃埔花園) - 好難食
  

信興又係得間舖古老，外觀裝修懷舊，去比幾十蚊參觀下就無所謂（都OK），d野食應該比你講洪慶好d，但d碗碟油淋淋，地下同間舖比人一種烏遭喇韃感覺。驚驚。
不過，信興d茶葉係好野，係西環 '林品珍' 供應比信興。所以，每日都有好多公公婆婆係度打躉。

• 林品珍茶行 Lam Pan Chan Tea Company
  

ootamay

洪慶幾可怕！

cucumber

不好吃不等於食死人，so far，都無鴻慶食物中毒新聞。

thermostat

去比幾十蚊參觀下就無所謂（都OK）。

thermostat

(https://www.youtube.com/watch?v=rEvLVLVxVXc)
Dining2gather - 深水埗區 - 長沙灣洪慶海鮮燒臘飯店

thermostat

全港僅剩3幢　青山道戰前弧形唐樓淪劏房
同屬弧形騎樓的戰前唐樓全港僅存3幢，其中位於青山道301及303號的相連唐樓近月展開裝修工程，計劃以劏房形式出租，100呎的蚊型劏房月租索價5000港元起。
(http://hk.on.cc/hk/bkn/cnt/news/ ... 1213_00822_001.html)

thermostat

洪慶海鮮燒臘飯店的招牌拆了，白底紅字的橫寫招牌都拆了，好像歸於平淡了。


除外型外，其他的東西好像未有變。



/04 2017